Urang Maliang Digigik Anjiang Galak

10163

Metro Padang.com – Ado carito ciek  dek Sanak, ado rumah urang kayo untuak jago rumahnyo dipiliharo la Anjiang, suatu katiko ado baduwo urang maliang  kamancilok karumah urang kayo tu . Kaduo maliang yang barencana kamaliang tu , sabalum operasi maliangnyo dimulai talabiah dahulu babagi tugas.

Kaduo maliang tu banamo Onggok jo Newan, dalam operasi maliang tu Onggok batugas masuak karumah urang kayo sadangkan Newan batugas bajago -jago  untuak mancaliak situasi.

Malam tu mulai malangkah untuak baoperasi , si Onggok mulailah mamanjek paga rumah , sadangkan Newan mancaliak urang disakitar lingkungan rumah, sampai  onggok di mungko pintu malangmah kato Onggok, ado anjiang ma kironyo nan manjago, Onggok dikaja sampai dapek  lalu anjiang lansuang manggigik Onggok.

Newan cameh bana mancaliak Onggok digigik Anjiang, tapi  Onggok tadanga galak takikiak -kikiak, he heheee, Newan  ….. gilo Ang Onggok, waang digigik Anjiang kok galak takikiak -kikiak. Baa den dak kagalak  gali -gali rasonyo, baa kok baitu, lai ndak badarah, kok badarah tantu den manangih kasakitan, Anjiang nan manggigik  tu kironyo Ajiang  ompong . ka duonyo galak…..haaa  haaan, sahinggo urang punyo rumah jago, Onggok jo Newan lari ndak jadi mancilok.

Oleh : Tisna

BAGIKAN

LEAVE A REPLY